இந்த கைது நடவடிக்கைக்கு பலரும் தங்கள் எதிர்ப்புகளை தெரிவித்து வருகின்றனர். இந்நிலையில் விடுதலைச் சிறுத்தைகள் கட்சி தலைவர் திருமாவளவன் கூறியதாவது; திட்டமிட்ட உள்நோக்கத்துடன் கூடிய அரசியல் நடவடிக்கைதான், அரசியல் சித்து விளையாட்டை பா.ஜ.க. தொடங்கிவிட்டது. பா.ஜ.க.வை ஆதரித்து பேசினால் கண்டும் காணாமல் போய்விடுவார்கள், நடவடிக்கை எடுக்கமாட்டார்கள். நள்ளிரவில் செந்தில் பாலாஜியை கைது செய்தது அரசியல் பழிவாங்கும் நடவடிக்கை. முதலமைச்சரை அச்சுறுத்துவதற்கு அமைச்சர் செந்தில் பாலாஜியை கைது செய்துள்ளனர். இது ஜனநாயக நடவடிக்கை என்றோ, சட்டப்பூர்வ நடவடிக்கை என்றோ கருத முடியாது. இந்தப்போக்கை வன்மையாக கண்டிக்கிறோம். இதை விடுதலை சிறுத்தைகள் கட்சி கடுமையாக கண்டிக்கிறது என்றார்.
The post அரசியல் சித்து விளையாட்டை பா.ஜ.க. தொடங்கிவிட்டது; முதலமைச்சரை அச்சுறுத்துவதற்கு அமைச்சர் செந்தில் பாலாஜி கைது: திருமாவளவன் கண்டனம் appeared first on Dinakaran.