×

கே.சி.பொகாடியா இயக்கத்தில் ஸ்ரீகாந்த்

பாலிவுட் இயக்குனர், தயாரிப்பாளர் கே.சி.பொகாடியா 1980கள் தொடங்கி காதல் மற்றும் போலீஸ் கதைகள் கொண்ட படங்கள் தயாரித்து இயக்கி இருக்கிறார். கடந்த 2015ம் ஆண்டு டர்ட்டி பாலிடிக்ஸ் என்ற இந்தி படத்தை இயக்கினார். இதில் மல்லிகா ஷெராவத் நடித்தார். ராஜஸ்தான் ஆட்சியாளர்களை ஊழலை சித்திரிக்கும் விதமாக இதன் கதை அமைக்கப்பட்டிருந்ததால் சர்ச்சையில் சிக்கியது.

தற்போது முதன்முறையாக அவர் தமிழில் ‘ராக்கி’ பெயரில் படம் தயாரித்து இயக்குகிறார். இதில் ஸ்ரீகாந்த் ஹீரோவாக நடிக்கிறார். ஹீரோயினாக  இஷன்யா நடிக்கிறார். நாசர், சாயாஜி ஷிண்டே, பிரம்மானந்தம், ஓஏகே.சுந்தர், கராத்தே ராஜா, ரமேஷ்.டி நடிக்கின்றனர்.

இப்படம்பற்றி இயக்குனர் கூறும்போது, ‘நேர்மையான போலீஸ் அதிகாரி ஸ்ரீகாந்த் விபத்தில் அடிபட்டு கிடக்கும் நாய் ஒன்றை மீட்டு சிகிச்சை அளித்து காப்பாற்றுகிறார். அதன் புத்திசாலிதனத்தை கண்டு போலீஸ் துறையில் துப்பறியும் பயிற்சி அளிக்கிறார். ஒரு கட்டத்தில் ஸ்ரீகாந்த் மர்மமான முறையில் கொல்லப்படுகிறார். அவரை கொன்றது யார் என்பதை நாய் துப்பறிந்து கண்டுபிடிக்கிறது. அஸ்மல் கான் ஒளிப்பதிவு. பப்பி லஹரி, சாரன் அர்ஜுன் இசை’ என்றார் கே.சி. பொகாடியா.

Tags : Srikanth ,
× RELATED பாலியல் தொல்லை தொடர்பாக அனைத்து...