என்னென்ன தேவை?
சர்க்கரை - 3 கப்,
தண்ணீர் - 1¼ கப்,
குங்குமப்பூ - 1 சிட்டிகை,
ஏலக்காய் - 2.
பேடா செய்ய...
குலோப்ஜாமூன் மிக்ஸ் பவுடர் - 200 கிராம்,
மைதா - 2 டேபிள்ஸ்பூன்,
உப்பு, சோடா உப்பு - தலா 1 சிட்டிகை,
இனிப்பில்லாத கோவா - 50 கிராம்,
நெய் - 1 டேபிள்ஸ்பூன்,
பொரிக்க எண்ணெய் அல்லது நெய் - தேவைக்கு.
ஸ்டஃப்பிங் செய்ய...
பொடித்த பாதாம், பிஸ்தா, முந்திரி கலந்தது - 1/4 கப்.
எப்படிச் செய்வது?
பாகு செய்ய கொடுத்த பொருட்களை மிதமான தீயில் வைத்து கிளறி வழவழப்பான பாகு பதத்திற்கு வந்ததும் இறக்கி ஏலம், குங்குமப்பூ கலந்து வைக்கவும்.பேடா செய்ய கொடுத்த பொருட்களை கலந்து அதிகம் அழுத்தம் இல்லாமல் மிதமாக பிசைந்து கடைசியில் நெய் சேர்த்து கலந்து 10 நிமிடம் மூடி வைக்கவும். தேவையானால் சிறிது தண்ணீர் தெளித்து கலக்கலாம்.
மாவிலிருந்து சிறு எலுமிச்சை அளவு எடுத்து சொப்பு போல் செய்து நட்ஸ் கலவையை உள்ளே வைத்து மூடி தட்டிக் கொள்ளவும். எண்ணெயை சூடாக்கி மிதமான தீயில் வைத்து பேடாக்களை போட்டு பொன்னிறமாக பொரித்தெடுத்து எண்ணெயை வடித்து பாகில் அரைமணி ஊறவைக்கவும். பின்பு சிறு கிண்ணத்தில் போட்டு நட்ஸ் தூவி அலங்கரித்து பரிமாறவும்.