கோவை: சார்ஜாவில் இருந்து நேற்று காலை கோவை விமான நிலையத்துக்கு வந்த ஏர் அரேபியா விமான பயணிகள் அனைவரையும் அதிகாரிகள் பரிசோதனை செய்தனர். பின்னர் விமான ஊழியர்கள் விமானத்தின் உள் பகுதியை சுத்தம் செய்தபோது, ஒரு பார்சல் கிடந்தது. தகவலறிந்து மத்திய சுங்கத்துறை அதிகாரிகள் அந்த பார்சலை பிரித்து பார்த்தபோது, அதில் 1 கிலோ 399 கிராம் எடையிலான 12 தங்கக்கட்டிகள் இருந்தன. இவற்றின் தோராய மதிப்பு ரூ.1.02 கோடி. போலீசாரின் சோதனைக்கு பயந்து தங்கத்தை கடத்தி வந்த பயணி விமானத்திலேயே பார்சல் செய்து போட்டுவிட்டு சென்றிருக்கலாம் என தெரியவந்துள்ளது. இதனைத்தொடர்ந்து விமானத்தில் தங்கக்கட்டியை கடத்தி வந்த நபர் யார்? என தீவிர விசாரணை மேற்கொள்ளப்பட்டு வருகிறது.
The post கோவை வந்த சார்ஜா விமானத்தில் ரூ.1 கோடி மதிப்புள்ள தங்கம் பறிமுதல் appeared first on Dinakaran.
