- உலக குத்துச்சண்டை சாம்பியன்ஷிப்
- இந்தியா
- லிவர்பூல்
- லிவர்பூல், இங்கிலாந்து
- நூபூர் ஷியரன்
- உஸ்பெகிஸ்தான்
- ஓல்டினோ சோடிம்போவா
லிவர்பூல்: உலக குத்துச்சண்டை சாம்பியன்ஷிப் போட்டி இங்கிலாந்தின் லிவர்பூல் நகரில் நடந்து வருகிறது. இதில் மகளிருக்கான 80 கிலோவுக்கு மேலான பிரிவில் நேரடியாக காலிறுதியில் களமிறங்கிய இந்திய வீராங்கனை நுபுர் ஷியாரன் 4-1 என்ற கணக்கில் உஸ்பெகிஸ்தானின் ஒல்டினோ சோடிம்போவாவை தோற்கடித்து அரையிறுதிக்கு முன்னேறினார். இதன் மூலம் குறைந்தது வெண்கல பதக்கத்தை உறுதி செய்தார். இதேபோல் 57 கிலோ பிரிவு காலிறுதியில் 2 முறை ஆசிய சாம்பியனான இந்தியாவின் ஜாஸ்மின் 5-0 என்ற கணக்கில் உஸ்பெகிஸ்தானின் குமோரபோனு மாமஜோனோவாடோ வீழ்த்தி அரையிறுதி முன்னேரி வெண்கல பதக்கத்தை உறுதி செய்தார்.
80 கிலோ பிரிவு காலிறுதியில் இந்தியாவின் பூஜா ராணி 3-2 என்ற கணக்கில் போலந்தின் எமிலியா கோடெர்ஸ்காவை வீழ்த்தி அரையிறுதிக்கு முன்னேறினார். இதில் நடைபெற்ற மற்றொரு காலிறுதியில் 2 முறை உலக சாம்பியனான இந்தியாவின் நிகாத் ஜரீன் 0-5 என்ற கணக்கில் (51 கிலோ) துருக்கியின் ககிரோக்லு புஸ் நாசிடம் அதிர்ச்சி தோல்வியடைந்து வெளியேறினார். முன்னதாக ஆண்கள் பிரிவில் ஜதுமணி சிங் (48 கிலோ), அபினாஷ் ஜம்வால் (65 கிலோ) ஆகியோர் தங்களது பிரிவில் வெற்றி பெற்று காலிறுதிக்கு தகுதி பெற்றனர்.
