ஓசூர், டிச.30:ஓசூர் அடுத்த ஜூஜூவாடி கிராம நிர்வாக அலுவலர் தண்டபாணி மற்றும் அலுவலர்கள், நேற்று தீவிர ரோந்து பணியில் ஈடுபட்டனர். அப்போது ஓசூர்-பெங்களூரு சாலையில், ஜூஜூவாடி சோதனைச்சாவடி அருகில் நின்று கொண்டிருந்த லாரியை சோதனை செய்த போது, அதில் 3 யூனிட் மணல் இருந்தது தெரியவந்தது. விசாரணையில், ஓசூரில் இருந்து பெங்களூருவுக்கு மணல் கடத்த முயன்றது தெரியவந்தது. இதையடுத்து, கிராம நிர்வாக அலுவலர் தண்டபாணி கொடுத்த புகாரின் பேரில், சிப்காட் போலீசார் வழக்குப்பதிவு செய்து, லாரியை பறிமுதல் செய்து விசாரணை நடத்தி வருகின்றனர்.