விழுப்புரம், டிச. 10: சோனியாகாந்தி பிறந்தநாளையொட்டி பொதுமக்களுக்கு இளைஞர் காங்கிரஸ் கட்சியினர் வெங்காயம் வழங்கினர். காங்கிரஸ் இடைக்கால தலைவர் சோனியா காந்தியின் பிறந்தநாளையொட்டி, விழுப்புரம் மத்திய மாவட்ட காங்கிரஸ் கட்சியின் சார்பில் புதிய பேருந்துநிலையத்தில் பொதுமக்களுக்கு இலவசமாக வெங்காயம் வழங்கினர். நாடு முழுவதும் வெங்காயம் விலை உயர்ந்து, கடும் தட்டுப்பாடு ஏற்பட்டுள்ள நிலையில் பெரும் பிரச்னையாக உருவெடுத்துள்ளது.