போச்சம்பள்ளி, அக்.1: போச்சம்பள்ளியில் அரசு மகளிர் மேல்நிலைப்பள்ளி சார்பில் நாட்டு நலப்பணித் திட்ட முகாம் நடைபெற்றது. இந்த முகாமில் மாணவிகள் ஆர்வத்துடன் பங்கேற்று காலை-மாலை வேளைகளில் யோகா பயிற்சி செய்தனர். மேலும், காவல் நிலைய வளாகத்தில் தூய்மை பணியில் ஈடுபட்டனர். தாலுகா அலுவலக சுவற்றுக்கு சுண்ணாம்பு அடித்தனர். பள்ளி வளாகத்தில் குவிந்து கிடந்த குப்பை கழிவுகளை மொத்தமாக கூட்டி அப்புறப்படுத்தினர். தொடர்ந்து மரக்கன்றுகளை நட்டனர். புற்றுநோய் தடுப்பு, மழைநீர் சேகரிப்பு குறித்தும், டெங்கு காய்ச்சல் வராமல் தடுப்பது குறித்தும் பொதுமக்களிடம் விழிப்புணர்வு ஏற்படுத்தினர்.