சின்னசேலம், செப். 12: சின்னசேலம் அருகே வயலில் இடி விழுந்ததில் கரும்புகள் எரிந்து சேதம் அடைந்தன.விழுப்புரம் மாவட்டம் கள்ளக்குறிச்சி, சின்னசேலம் தாலுகாவுக்கு உட்பட்ட கிராமங்களில் நேற்று முன்தினம் இரவு சூறாவளி காற்றுடன் லேசான மழை பெய்தது. அப்போது அக்கராயபாளையம் நெல்லிக்குளம் அருகே உள்ள அந்தோணிசாமி க்கு சொந்தமான கரும்பு வயலில் பலத்த சத்தத்துடன் இடி விழுந்தது. இதனால் கரும்பு வயல் தீப்பிடித்து, சுமார் அரை ஏக்கர் பரப்பில் பயிரிடப்பட்டிருந்த கரும்பு பயிர் தீயில் எரிந்து சேதமடைந்தது.