ஈரோடு: கைத்தறி பெட்ஷீட்டில் ஒருபுறம் தோனியின் உருவத்தையும், மற்றொரு புறம் விராட் கோலியின் உருவத்தையும் நெய்து சென்னிமலையை சேர்ந்த நெசவாளர் அசத்தி உள்ளார். ஈரோடு மாவட்டம் சென்னிமலையில் உள்ள சென்டெக்ஸ் நெசவாளர் கூட்டுறவு சங்கத்தில் அப்புசாமி என்பவர் கைத்தறி துணிகளுக்கு டிசைனராக இருந்து வருகிறார். இவர், ஏற்கனவே தனது ஓய்வு நேரத்தில் கிரிக்கெட் வீரர் சச்சின் டெண்டுல்கர் உள்பட பல பிரபலங்களின் உருவத்தை வடிவமைத்து அதனை கைத்தறி நெசவு மூலம் பெட்ஷீட்டில் உருவாக்கி வந்தார்.