நியூயார்க்: டிவிட்டரில் ப்ளூ டிக் வழங்கும் பிரீமியம் சேவையின் முதல் முயற்சி தோல்வி அடைந்த நிலையில், மீண்டும் அந்த சேவை இன்று முதல் வழங்கப்படுவதாக அறிவிக்கப்பட்டுள்ளது. உலகின் முன்னணி பணக்காரரான அமெரிக்காவின் எலான் மஸ்க் ரூ.3.5 லட்சம் கோடி கொடுத்து டிவிட்டர் நிறுவனத்தை வாங்கிய பிறகு, அதில் சரிபார்க்கப்பட்ட கணக்குகளுக்கு வழங்கப்படும் ப்ளூ டிக்குக்கு மாத கட்டணம் விதிக்கப்படுவதாக அறிவித்தார். பொதுவாக இந்த ப்ளூ டிக் பெறும் நிறுவனங்கள், பிரபலங்கள், அரசு நிறுவனங்கள், அரசியல் தலைவர்கள் மற்றும் பத்திரிகையாளர்களுக்கு வழங்கப்படும். ஆனால், மாத சந்தா செலுத்தி யார் வேண்டுமானாலும் ப்ளூ டிக் பெறலாம் என மஸ்க் அறிவித்தார்.