ஐதராபாத்: ஹீரோவுடன் சண்டை ஏற்பட்டதால் படத்திலிருந்து அனுபமா பரமேஸ்வரன் விலகிவிட்டார். தமிழில் தனுஷுடன் கொடி, அதர்வாவுடன் தள்ளிப்போகாதே படங்களில் நடித்தவர் அனுபமா பரமேஸ்வரன். மலையாளத்தில் பிரேமம் படத்தில் நடித்திருந்தார். தெலுங்கிலும் பல படங்களில் நடித்துள்ளார். இந்நிலையில் தெலுங்கில் டிஜே தில்லு 2 படத்தில் நடித்து வருகிறார். இது ஏற்கனவே வெளிவந்த டிஜே தில்லு படத்தின் இரண்டாம் பாகமாகும். ஹீரோவாக சித்து ஜோன்னலசட்டா நடித்து வருகிறார். இந்த படத்தின் படப்பிடிப்புக்கு அனுபமா தாமதமாக வந்திருக்கிறார். இதுபோல் சில நாட்கள் லேட்டாக வந்ததால், அவருக்காக சித்து காத்திருந்திருக்கிறார்.