ராணிப்பேட்டை: ராணிப்பேட்டையில் இந்திய கம்யூனிஸ்ட் கட்சி மாநில செயலாளர் முத்தரசன் நிருபர்களுக்கு அளித்த பேட்டி: தமிழக கட்டுமான தொழிலாளர்களின் நீண்ட நாள் கோரிக்கையாக நிலம் இல்லாதவர்களுக்கு குடிசை மாற்று வாரியம் சார்பில் 10 ஆயிரம் வீடுகளும், நிலம் உள்ள கட்டுமான தொழிலாளர்களுக்கு வீடு கட்ட ரூ.4 லட்சம் நிதியுதவியும் வழங்கப்படும் என்று அறிவித்த முதல்வர் மு.க.ஸ்டாலினுக்கு நன்றி. கட்டுமான தொழிலாளர்களுக்கான ஓய்வூதியம் ஆயிரம் ரூபாயில் இருந்து ரூ.8 ஆயிரமாக உயர்த்தி வழங்க வேண்டும். டிசம்பர் 1, 2, 3 ஆகிய தேதிகளில் நெல்லையில் மாநாடு நடைபெற உள்ளது.