திருவனந்தபுரம்: மலையாளத்தில் நடிகர், தயாரிப்பாளர், இயக்குனர், திரைக்கதை ஆசிரியர் போன்ற துறைகளில், இதுவரை 200க்கும் மேற்பட்ட படங்களில் திறம்பட பணியாற்றியவர், ஸ்ரீனிவாசன் (67). கடந்த 1998ல் ‘சிந்தாவிஷ்டயாய ஷ்யாமளா’ என்ற படத்துக்காக தேசிய விருது பெற்றார். இந்த நிலையில், இதய நோய் காரணமாக அவருக்கு பைபாஸ் அறுவை சிகிச்சை செய்யப்பட்டது. இதனால், கடந்த சில மாதங்களாக உடல்நலக்குறைவால் பாதிக்கப்பட்டிருந்த அவர், வீட்டிலேயே ஓய்வெடுத்து வருகிறார்.