மதுரை: மதுரையில் ஜிஎஸ்டி கவுன்சில் கூட்டம் இம்மாத இறுதியில் நடைபெறும் என நிதியமைச்சர் பிடிஆர் பழனிவேல் தியாகராஜன் தெரிவித்தார். மதுரை, மூன்றுமாவடியில் தொழிலாளர் நலன் மற்றும் வேலை வாய்ப்புத்துறை சார்பில் ரூ.3.20 கோடி செலவில் கட்டப்பட்ட அரசு தொழிற்பயிற்சி நிலைய விடுதியை வீடியோ கான்பரன்சிங் மூலம் முதல்வர் மு.க.ஸ்டாலின் நேற்று சென்னையிலிருந்து திறந்து வைத்தார். மதுரையில் நடந்த விழாவில் அமைச்சர்கள் பி.மூர்த்தி, பிடிஆர்.பழனிவேல் தியாகராஜன் உள்பட பலர் கலந்து கொண்டனர்.