ஊட்டி: கொடநாடு கொலை, கொள்ளை வழக்கு விசாரணையை ஆகஸ்ட் மாதம் 26ம் தேதிக்கு ஒத்திவைத்து ஊட்டி நீதிமன்றம் உத்தரவிட்டுள்ளது. கொடநாடு கொலை, கொள்ளை வழக்கு தொடர்பாக சயான், வாளையார் மனோஜ் உட்பட கேரளாவை சேர்ந்த 10 பேர் கைது செய்யப்பட்டனர். 3 ஆண்டுகளுக்கு மேலாக இவ்வழக்கு ஊட்டியில் உள்ள மாவட்ட நீதிமன்றத்தில் நடந்து வருகிறது. இந்நிலையில், போலீசார் இந்த வழக்கை மீண்டும் முதலில் இருந்து விசாரித்து வருகின்றனர். 267 சாட்சிகளிடம் விசாரணை நடத்தியுள்ளனர்.