ஓசூர்: இந்திய கம்யூனிஸ்ட் கட்சியின் ஓசூர் மாநகர 23வது மாநாடு நடைபெற்றது. இதில் கலந்து கொண்ட மாநில செயலாளர் முத்தரசன், நிருபர்களுக்கு அளித்த பேட்டி: மாநிலத்தில் உள்ளாட்சித் தேர்தல் முடிந்து, பிரதிநிதிகள் தேர்வான நிலையில் பல்வேறு பகுதிகளில் வளர்ச்சி திட்டங்கள் நிறைவேற்றப்படாமல் உள்ளது. இதன் மீது தனி கவனம் செலுத்தி, மக்களின் முக்கிய பிரச்னைகளை தீர்க்க நடவடிக்கை எடுக்க வேண்டும். பிரதமர் அறிவித்த ஆண்டுக்கு 2 கோடி இளைஞர்களுக்கு வேலைவாய்ப்பு என்ற அறிவிப்புகளை நிறைவேற்றவும், பாரம்பரிய ராணுவ தேர்வு, அதன் பணிகள் குறித்த நடைமுறையை, அக்னிபாதை திட்டத்தின் கீழ் மாற்றுவதை தடுக்க நடைபெறும் போராட்டங்களுக்கு மதிப்பளிக்க வேண்டும். மேலும், ஏற்கனவே உள்ள நடைமுறையை பின்பற்ற வேண்டும்.