ஹெல்சின்கி: உலகின் மகிழ்ச்சியான நாடுகளின் பட்டியலில், 5வது முறையாக பின்லாந்து முதலிடம் வகிக்கிறது. இந்த பட்டியலில் இந்தியாவுக்கு எந்த இடம் என்பது பற்றி குறிப்பிடப்படவில்லை. உலகின் மகிழ்ச்சியான நாடுகளின் பட்டியலை ஐ.நா., ஆதரவு பெற்ற அமைப்பு ஒன்று, கடந்த 10 ஆண்டுகளாக வெளியிட்டு வருகிறது. இந்த பட்டியல், மக்களை நேரடியாக சந்திப்பதன் வாயிலாகவும், நாட்டின் பொருளாதார மற்றும் சமூக புள்ளி விபரங்கள் அடிப்படையிலும் மதிப்பெண் வழங்கப்பட்டு தயார் செய்யப்படுகிறது. ரஷ்யா - உக்ரைன் போருக்கு முன்னதாக எடுக்கப்பட்ட தரவுகளின் அடிப்படையில் தற்போதைய பட்டியல் வெளியிடப்பட்டுள்ளது.