செஞ்சுரியன்: இந்தியா - தென் ஆப்ரிக்கா மோதும் முதல் டெஸ்ட் போட்டியில் 2ம் நாள் ஆட்டம் மழை காரணமாக கைவிடபட்டது. சூப்பர்ஸ்போர்ட் பார்க் மைதானத்தில் நேற்று முன்தினம் தொடங்கிய இப்போட்டியில், டாஸ் வென்று பேட் செய்த இந்திய அணி முதல் நாள் ஆட்ட முடிவில் 3 விக்கெட் இழப்புக்கு 272 ரன் எடுத்திருந்தது. அகர்வால் 60, புஜாரா 0, கோஹ்லி 35 ரன்னில் ஆட்டமிழந்தனர். ராகுல் 122 ரன் (248 பந்து, 17 பவுண்டரி, 1 சிக்சர்), ரகானே 40 ரன்னுடன் (81 பந்து, 8 பவுண்டரி) களத்தில் இருக்க, நேற்று 2வது நாள் ஆட்டம் நடைபெற இருந்தது.