டோக்கியோ: உலகிலேயே முதல் முறையாக சாலையிலும், ரயில் தண்டவாளத்திலும் இயங்கக்கூடிய இரட்டை பயன்பாட்டு வாகனத்தை ஜப்பான் அறிமுகம் செய்துள்ளது. ஜப்பானின் கையோ நகரில் இரட்டை பயன்பாடு வாகனம் நேற்று முன்தினம் அறிமுகம் செய்யப்பட்டுள்ளது. உலகிலேயே முதல் முறையாக சாலையிலும், ரயில் தண்டவாளங்களிலும் இயங்கும் வகையில் இந்த வாகனம் வடிவமைக்கப்பட்டுள்ளது. இது பார்ப்பதற்கு மினி பேருந்து போன்று தோற்றமளிக்கிறது. இதில் 21 பயணிகள் வரை மட்டுமே பயணிக்க முடியும். தண்டவாளங்களில் மணிக்கு 60 கிமீ வேகத்திலும், சாலைகளில் மணிக்கு 100 கிமீ வேகத்திலும் இயங்கக் கூடியது. டீசலில் இயங்கும் வகையில் உருவாக்கப்பட்டுள்ள இந்த வாகனம் பல்வேறு வண்ணங்களிலும் கிடைக்கிறது.