வாஷிங்டன்: ஸ்பேஸ் எக்ஸ், டெஸ்லா மோட்டார்ஸ் உள்ளிட்ட பல்வேறு நிறுவனங்களின் தலைமை செயல் நிறுவனரான எலோன் மஸ்க், இந்த ஆண்டின் தலைசிறந்த நபர் என அமெரிக்காவை சேர்ந்த டைம் இதழ் அறிவித்துள்ளது. தென்னாபிரிக்காவில் கடந்த 1971ம் ஆண்டு பிறந்த எலோன் மஸ்க்கின் தந்தை கனடாவை சேர்ந்தவர் என்பதால் பின்னாளில் அவர் அமெரிக்க நாடுகளுக்கு இடம் பெயர்ந்தார். தமது 12வது வயதிலேயே கணினிகளின் மென்பொருளை உருவாக்கும் அளவுக்கு அத்துறையில் ஆர்வம் மிக்கவராக திகழ்ந்தார். கல்லூரி படிப்பை முடித்த பிறகு பேபால் உள்ளிட்ட பல்வேறு நிறுவனங்களை தொடங்கிய அவர், தற்போது ஸ்பேஸ் எக்ஸ், டெஸ்லா மோட்டார்ஸ், ஜிப்2, சோலார் சிட்டி, ஹைப்பர்லூப் உள்ளிட்ட பல நிறுவனங்களின் தலைமை செயல் அலுவலராகவும், இணை நிறுவனராகவும் பதவி வகித்து வருகிறார்.