மும்பை: ராஜஸ்தான் மாநிலம் மாதோபூர் மாவட்டம் பர்வாராவில் அமைந்துள்ள சிக்ஸ் சென்ஸ்சஸ் கோட்டையில் பாலிவுட் நடிகை கேத்ரினா கைப் - விக்கி கவுசல் ஜோடிக்கு நேற்று திருமணம் நடந்தது. இதில் இரு குடும்பத்தை சேர்ந்தவர்கள், நெருங்கிய நண்பர்கள் மற்றும் திரையுலகை சேர்ந்த ஒரு சிலர் மட்டும் கலந்துகொண்டனர். நேற்று பிற்பகலில் பஞ்சாபி முறைப்படி கேத்ரினா, விக்கி கவுசலின் திருமணம் நடந்தது. திருமண விழாவில் பங்கேற்றவர்கள் புகைப்படங்கள் எடுக்க அனுமதிக்கப்படவில்லை. அவர்களின் செல்போன்களை பாதுகாவலர்கள் வாங்கிக் கொண்ட
னர். பாலிவுட்டிலிருந்து தயாரிப்பாளர் கரண் ஜோஹர், இயக்குனர் பர்ஹா கான், நடிகர் அலி அப்பாஸ் ஜாபர் உள்ளிட்டோர் திருமணத்துக்கு வந்திருந்தனர்.