திருவள்ளூர்: மழை வெள்ளத்தால் பாதிக்கப்பட்ட பழங்குடியின மக்களுக்கு வெள்ளநிவாரண பொருட்கள், உணவு ஆகியவை வி.ஜி.ராஜேந்திரன் எம்எல்ஏ வழங்கினார். திருவள்ளூர் தொகுதி, வெங்கத்தூர் ஊராட்சி வெங்கத்தூர் கண்டிகையில் மழை வெள்ளத்தால், பாதிக்கப்பட்ட பழங்குடியின மக்களுக்கு கடம்பத்தூர் கிழக்கு ஒன்றிய திமுக இளைஞரணி சார்பில் வெள்ள நிவாரணப் பொருட்கள் மற்றும் உணவு வழங்கும் நிகழ்ச்சி நடந்தது. மாவட்ட பொறுப்புக் குழு உறுப்பினர் கே.திராவிடபக்தன் தலைமை வகித்தார். மாநில விவசாய அணி துணைத் தலைவர் ஆர்.டி.இ.ஆதிசேஷன், ஒன்றிய செயலாளர் கே.அரிகிருஷ்ணன், மாவட்ட ஊராட்சி குழு உறுப்பினர் சரஸ்வதி சந்திரசேகர் ஆகியோர் முன்னிலை வகித்தனர். ஒன்றிய இளைஞரணி அமைப்பாளரும், ஊராட்சி துணைத் தலைவருமான ஆர்.மோகனசுந்தரம், கொப்பூர் டி.திலீப்குமார் ஆகியோர் வரவேற்றனர்.