குன்னூர்: நிலக்கரி இன்ஜினுடன் ஊட்டி மலை ரயில் குன்னூர் வந்தது. ரயில் ஓட்டுநர்களை, ரயில்வே ஊழியர்கள் பூக்கள் கொடுத்து வரவேற்றனர். ஊட்டி மலை ரயில் நூறாண்டு பழமை வாய்ந்ததாகும். இதனை புதுப்பிக்க ரயில்வே நிர்வாகம் முடிவு செய்தது. அதன்படி உள்நாட்டிலேயே தயாரிக்கப்பட்ட உபகரணங்களை கொண்டு நிலக்கரியில் இயங்கும் முதல் மலை ரயில் என்ஜின் ரூ.8.7 கோடி மதிப்பீட்டில் திருச்சி பொன்மலை ரயில்வே பணிமனையில் தயாரிக்கப்பட்டது. அந்த என்ஜின் கடந்த சில தினங்களுக்கு முன்பு மேட்டுப்பாளையம் ரயில் நிலையம் கொண்டு வரப்பட்டது.