பெங்களூரு: ஓலா நிறுவனம், எஸ்1மற்றும் எஸ்1 புரோ எலக்ட்ரிக் ஸ்கூட்டர்களை நேற்று அறிமுகம் செய்தது. ஓலா நிறுவனம் நேற்று தனது எலக்ட்ரிக் ஸ்கூட்டர்களை அறிமுகம் செய்தது. எஸ்1 மற்றும் எஸ்1 புரோ என 2 மாடல்களில் இந்த ஸ்கூட்டர்கள் வெளிவருகின்றன. ஓலா எஸ்1, 5 வண்ணங்களில் கிடைக்கும். ஒரு முறை சார்ஜ் செய்தால் 121 கி.மீ வரை செல்லலாம். 3.6 நொடிகளில் 40 கி.மீ வேகத்தை எட்டலாம். அதிகபட்சமாக மணிக்கு 90 கி.மீ செல்லலாம். இதில், நார்மல், ஸ்போர்ட் என 2 டிரைவிங் மோட்கள் உள்ளன. ஷோரூம் விலையாக, பேம் திட்ட மானியத்துடன் டெல்லியில் ரூ.85,099, குஜராத்தில் ரூ.79,999, மகாராஷ்டிராவில் ரூ.94,999, ராஜஸ்தானில் ரூ.89,968 என நிர்ணயம் செய்யப்பட்டுள்ளது. பிற மாநிலங்களில் சுமார் ரூ.99,999 என நிர்ணயிக்கப்பட்டுள்ளது.