நாகர்கோவில்: கொரோனா தொற்று கட்டுக்குள்கொண்டு வந்ததையொட்டி பல தளர்வுகளுடன் ஊரடங்கு அமலில் இருந்து வருகிறது. பொது போக்குவரத்து இயக்கமும் இயல்பு நிலைக்கு திரும்பியுள்ளது. இதுபோல் அனைத்து வர்த்தக நிறுவனங்களும் இயங்க தொடங்கியுள்ளது. இதனால் பொதுமக்களின் கூட்டம் நாகர்கோவில் நகர பகுதியில் அதிக அளவு இருந்து வருகிறது. நாகர்கோவிலில் ஜவுளி கடைகள், நகை கடைகள் மற்றும் அனைத்து தனியார் நிறுவனங்களும் செயல்பட தொடங்கி உள்ளதால் பணிக்கு வரும் இளம்பெண்களின் எண்ணிக்கையும் அதிகரித்துள்ளது. இதையடுத்து தற்போது முக்கிய சந்திப்புகளில், நவீன கண்காணிப்பு கேமராக்கள் பொருத்திய வாகனத்தில் போலீசார் ரோந்து பணியில் ஈடுபட்டு வருகிறார்கள்.