ஆலந்தூர்: சென்னை மாநகராட்சி, ஆலந்தூர் மண்டலத்தை சேர்ந்த பொதுமக்கள் மற்றும் பொது நலச்சங்க நிர்வாகிகளிடம் குறைகேட்கும் முகாம் நங்கநல்லூரில் நேற்று நடந்தது. ஆலந்தூர் மண்டல உதவி கமிஷனர் சீனிவாசன், ஆலந்தூர் தெற்கு பகுதி திமுக செயலாளர் என்.சந்திரன், தென்சென்னை மேற்கு மாவட்ட காங்கிரஸ் தலைவர் நாஞ்சில் பிரசாத் ஆகியோர் முன்னிலை வகித்தனர். ஊரக தொழில் துறை அமைச்சர் தா.மோ.அன்பரசன், ஆர்.எஸ்.பாரதி எம்பி ஆகியோர் பங்கேற்று, பொதுமக்கள் மற்றும் நலச்சங்க நிர்வாகிகளின் குறைகளை மனுக்களாக பெற்றனர்.
பின்னர், முகாமிற்கு வந்த சம்மந்தபட்ட துறை அதிகாரிகளிடம் அதை ஒப்படைத்து, ஒரு மாதத்திற்குள் நடவடிக்கை எடுக்கும்படி கேட்டுக்கொண்டார். நிகழ்ச்சியில், அமைச்சர் தா.மோ.அன்பரசன் பேசும்போது, ‘ஒவ்வொரு பகுதியிலும் 6 மாதத்திற்கு ஒருமுறை மக்களின் குறைகளை கேட்டறிந்து உடனடி நடவடிக்கை எடுக்கப்படும்.