காங்கயம்: வாக்கு எண்ணிக்கைக்கு முன்பே காங்கயம் தொகுதி அதிமுக வேட்பாளர் ராமலிங்கம் 13,483 வாக்கு வித்தியாசத்தில் வெற்றி பெற்றதாக பேனர் வைக்கப்பட்டுள்ளது. திருப்பூர் மாவட்டம் காங்கயம் சட்டமன்ற தொகுதியில் திமுக சார்பில் முன்னாள் அமைச்சர் மு.பெ.சாமிநாதனும், அதிமுக சார்பில் ஏ.எஸ்.ராமலிங்கமும் வேட்பாளர்களாக போட்டியிட்டனர். இந்நிலையில், அதிமுக வேட்பாளரை வெற்றி பெறச்செய்த வாக்காளர்களுக்கு நன்றி என காங்கயம் தொகுதிக்குட்பட்ட பழையகோட்டை பகுதியில் அதிமுகவினர் பிளக்ஸ் வைத்துள்ளனர். அதில் 13,483 வாக்கு வித்தியாசத்தில் வெற்றி பெற்றதாகவும் குறிப்பிடப்பட்டிருந்தது சர்ச்சையை ஏற்படுத்தியது.