உடுமலை: உடுமலை அருகே உள்ள திருமூர்த்திமலையில் 60 அடி உயரம் கொண்ட திருமூர்த்தி அணை உள்ளது. பிஏபி தொகுப்பு அணைகளில் கடைசியாக இந்த அணை உள்ளது. இதன்மூலம் கோவை, திருப்பூர் மாவட்டங்களில் சுமார் 4 லட்சம் ஏக்கர் நிலம் பாசன வசதி பெறுகிறது. நான்கு மண்டலங்களாக பிரித்து தண்ணீர் வழங்கப்படுகிறது. மேலும் உடுமலை நகருக்கும், 5 கூட்டுகுடிநீர் திட்டங்கள் மூலம் கிராமப்பகுதிகளுக்கும் குடிநீர் வழங்கப்படுகிறது. பொள்ளாச்சி அருகே உள்ள பரம்பிக்குளம் அணையில் இருந்து, சர்க்கார்பதி மின்நிலையம் வழியாக காண்டூர் கால்வாய் மூலம் அணைக்கு தண்ணீர் கொண்டு வந்து நிரப்பப்படுகிறது.