ஒரத்தநாடு: தஞ்சை மாவட்டம் ஒரத்தநாடு அருகே புதூர் வடக்கு தெருவை சேர்ந்தவர் கோவிந்தராஜன். இவரது மகன் வினோத்குமார் (32). தந்தையும் மகனும் தஞ்சையில் ஹார்டுவேர்ஸ் கடை நடத்தி வந்தனர். இவர்களது பக்கத்து வீட்டில் வசிப்பவர் குணசேகரன். இவரது மகன் டாக்டர் கார்த்தி, அதிமுக துணை ஒருங்கிணைப்பாளரும், எம்பியுமான வைத்திலிங்கத்தின் மகளை திருமணம் செய்துள்ளார். கோவிந்தராஜனுக்கும், குணசேகரனுக்கும் நீண்ட நாட்களாக இடப்பிரச்னை காரணமாக அடிக்கடி தகராறு ஏற்படும். நேற்றுமுன்தினமும் வாய்த்தகராறு ஏற்பட்டது. அப்போது கார்த்தி, வினோத்குமாரையும், அவரது தந்தை கோவிந்தராஜனையும் தாக்கியுள்ளார்.