சென்னை: வெளிநாடு வாழ் இந்தியர் நல அணி அமைக்கப்படுவதாக திமுக பொதுச்செயலாளர் துரைமுருகன் அறிவித்துள்ளார். இதுகுறித்து அவர் வெளியிட்டுள்ள செய்திக்குறிப்பு: திமுக சட்டதிட்ட விதிகளின் அடிப்படையில் வெளிநாடு வாழ் இந்தியர்களை திமுக உறுப்பினராக இணைப்பதற்கும் - ஒவ்வொரு நாட்டிலும், திமுக அமைப்புகளை உருவாக்குவதற்கும், முறைப்படுத்துவதற்கும் வெளிநாடு வாழ் இந்தியர் நல அணி என்ற புதிய அணி அமைக்கப்படுகிறது. அணிச் செயலாளராக டி.ஆர்.பி.ராஜா எம்எல்ஏ, இணைச் செயலாளர் களாக டாக்டர் செந்தில்குமார், எம்பி, புதுக்கோட்டை எம்.எம்.அப்துல்லா நியமிக்கப்படுகிறார்கள். இவ்வாறு கூறப்பட்டுள்ளது.