திருப்பரங்குன்றம்: திருப்பரங்குன்றம் அருகே நான்கு வழிச்சாலை சந்திப்பில் லாரி மோதியதில் ஹைமாஸ் விளக்கு சேதமடைந்தது. மீண்டும் அதை சரிசெய்யது நிறுவாததால் அடிக்கடி விபத்துகள் நடந்து வருகின்றன. மதுரை திருப்பரங்குன்றம் அருகே கூத்தியார்குண்டு கிராமத்தில் கன்னியாகுமரி- பெங்களூரு நான்கு வழிச்சாலை சந்திப்பு உள்ளது. இச்சாலை சந்திப்பில் இருந்து மேற்கு பகுதியில் எய்ம்ஸ் மருத்துவமனை அமைய உள்ள சாலை இணைப்பும் கிழக்கில் கப்பலூர் சிப்காட் மற்றும் கூத்தியார்குண்டு, கருவேலம்பட்டி ஆகிய கிராமங்களுக்கு செல்லும் சாலையும் உள்ளது. இந்த சாலை சந்திப்பின் வழியாக தினமும் ஆயிரக்கணக்கான வகனங்கள் சென்று வருகின்றன. குறிப்பாக டூவீலர்கள் அதிகளவில் சாலையை கடந்து செல்கின்றன.