ஹாமில்டன்: நியூசிலாந்து அணியுடனான முதல் டெஸ்ட் போட்டியில், வெஸ்ட் இண்டீஸ் அணி இன்னிங்ஸ் மற்றும் 134 ரன் வித்தியாசத்தில் படுதோல்வி அடைந்தது. செடான் பார்க் மைதானத்தில் நடந்த இப்போட்டியில், டாஸ் வென்ற வெஸ்ட் இண்டீஸ் பந்துவீச, நியூசிலாந்து 7 விக்கெட் இழப்புக்கு 519 ரன் குவித்து முதல் இன்னிங்சை டிக்ளேர் செய்தது. இதைத் தொடர்ந்து, முதல் இன்னிங்சை தொடங்கிய வெஸ்ட் இண்டீஸ் வெறும் 138 ரன்னுக்கு ஆல் அவுட்டானது (64 ஓவர்). 381 ரன் பின்தங்கிய நிலையில் பாலோ ஆன் பெற்று 2வது இன்னிங்சை தொடர்ந்து விளையாடிய வெஸ்ட் இண்டீஸ் 3ம் நாள் முடிவில் 6 விக்கெட் இழப்புக்கு 196 ரன் எடுத்திருந்தது. பிளாக்வுட் 80 ரன், ஜோசப் 59 ரன்னுடன் நேற்று 4ம் நாள் ஆட்டத்தை தொடங்கினர். ஜோசப் 86 ரன் எடுத்து (125 பந்து, 9 பவுண்டரி, 3 சிக்சர்) ஜேமிசன் பந்துவீச்சில் சான்ட்னர் வசம் பிடிபட்டார்.