சிவகாசி: சிவகாசி அருகே ஆனைக்குட்டம் கிராமத்தில் அபாய நிலையில் உள்ள மின்மோட்டார் அறையை அகற்ற வேண்டும் என்று கிராமம மக்கள் கோரிக்கை விடுத்துள்ளனர். சிவகாசி ஊராட்சி ஒன்றியத்திற்குட்பட்ட ஆனைக்குட்டம் கிராமத்தில் சுமார் 2 ஆயிரத்திற்கும் மேற்பட்ட மக்கள் வசித்து வருகின்றனர். மக்கள்தொகைக்கு ஏற்ப இந்த கிராமத்தில் போதிய அடிப்படை வசதிகள் இல்லை. வாறுகால், சுகாதார வளாகம், சாலை வசதிகளில் இந்த கிராமம் புறக்கணிக்கப்பட்டுள்ளது. பஞ்சாயத்து தேர்தலுக்கு பிறகாவது விடிவு காலம் பிறக்கும் என்ற நினைத்த கிராம மக்களுக்கு ஏமாற்றமே மிஞ்சியுள்ளது.