காஞ்சிபுரம்: விநாயகர் சதுர்த்தி நெருங்கிய வரும் சூழ்நிலையில் காஞ்சிபுரம் மாவட்டம் அய்யம்பேட்டையில் விநாயகர் சிலைகள் செய்யும் ஆலைகளுக்கு சீல் வைக்கப்பட்டிருக்கிறது. இதனை கண்டித்து வட்டாட்சியரை முற்றுகையிட்டு உரிமையாளர்கள் போராட்டத்தில் ஈடுபட்டதால் அப்பகுதியில் பரபரப்பு நிலவியது. காஞ்சிபுரம் அடுத்துள்ள வாலாஜாபாத் பகுதி அய்யம்பேட்டையில் 16-க்கும் மேற்பட்ட விநாயகர் சிலைகள் செய்யும் ஆலைகள் செயல்பட்டு வருகிறது. 3 அடிக்கு மேல் பொது இடங்களில் சிலைகளை வைக்கக்கூடாது என தமிழக அரசின் உத்தரவை அடுத்து, 3 அடிக்கு மேல் சிலை செய்யும் ஆலைகளுக்கு மாவட்ட ஆட்சியரின் அறிவுறுத்தலின் படி, வட்டாட்சி அலுவலர்கள் சீல் வைக்கும் பணியினை தொடங்கினர்.