ஸ்ரீபெரும்புதூர்: சுங்குவார்சத்திரம் பகுதியில் செயல்படும் சார்பதிவாளர் அலுவலகம் 94.4 லட்சத்தில் புதுப்பிக்கப்பட்டுள்ளது. கடந்த 2012ம் ஆண்டு முதல், சுங்குவார்சத்திரம் சார்பதிவாளர் அலுவலகம் வாடகை கட்டிடத்தில் செயல்பட்டது. இங்கு பத்திரப்பதிவு, வில்லங்கச் சான்று, திருமணம் பதிவு உள்பட பல்வேறு பணிகளுக்காக ஏராளமானோர் வந்து செல்கின்றனர். இந்த கட்டித்தில், போதிய இடவசதி இல்லை. இடநெருக்கடியால், ஆவணங்களை பராமரிப்பதிலும் சிக்கல் இருந்தது. இதனையடுத்து, சுங்குவார்சத்திரம் அடுத்த மொளச்சூரில் சார்பதிவாளர் அலுவலகம் கட்ட இடஒதுக்கீடு செய்து, 94.4 லட்சம் நிதி ஒதுக்கீடு செய்யப்பட்டது.