பொன்னேரி: திருவள்ளூர் மாவட்டம் பொன்னேரி திருவேங்கட புரத்தை சேர்ந்தவர் சத்தியமூர்த்தி (56). இவர் சோழவரம் காவல் நிலையத்தில் உதவி ஆய்வாளராக பணிபுரிந்து வந்தார். கடந்த 2 வாரமாக திருமழிசை காய்கறிகள் மார்க்கெட் பகுதியில் பணியில் இருந்தார். பணி முடிந்து நேற்று மதியம் வீட்டில் தூங்கிக் கொண்டிருந்தபோது திடீரென மாரடைப்பு ஏற்பட்டது. மருத்துவமனைக்கு அழைத்து சென்றபோது வழியில் இறந்து விட்டதாக தெரிவித்தனர் சத்தியமூர்த்திக்கு சாந்தி என்ற மனைவியும் 2 மகள்கள் உள்ளனர்.