பீஜிங்: கிழக்கு லடாக்கில் கல்வான் பள்ளத்தாக்கில் கடந்த 15-16ம் தேதியில் நடந்த மோதலில் இந்திய தரப்பில் 20 வீரர்கள் வீரமரணம் அடைந்ததாக ராணுவம் உறுதி செய்தது. ஆனால் சீனா, வீரர்கள் பலியானதை ஒப்புக் கொண்டாலும், எண்ணிக்கையை உறுதி செய்யவில்லை. அந்நாட்டின் வெளியுறவு செய்திதொடர்பாளர் லிஜியனிடம் செய்தியாளர்கள் தொடர்ந்து இக்கேள்வியை கேட்ட போதிலும், அவர் வாய் திறக்கவில்லை. அதே சமயம், கல்வான் மோதலில் சீன தரப்பில் 40 வீரர்கள் பலி மற்றும் காயமடைந்ததாக தகவல் வெளியானது. முன்னாள் ராணுவ தளபதி வி.கே.சிங், ‘‘இந்திய வீரர்கள் 20 பேர் இறந்திருந்திருந்தால், அவர்கள் தரப்பில் அதை விட ஒரு மடங்கு அதிகமான வீரர்கள் இறந்திருப்பார்கள்’’ என்றார்.