கம்பம்: கம்பத்தில் இடியும் நிலையில் உள்ள குடிநீர் தொட்டி பம்பிங் அறையை இடித்து அகற்ற பொதுமக்கள் கோரிக்கை விடுத்துள்ளனர். தேனி மாவட்டம், கம்பம் நகராட்சியில் மொத்தம் 33 வார்டுகள் உள்ளன. 1 லட்சத்துக்கும் மேற்பட்டோர் வசிக்கின்றனர். நகராட்சிக்குட்பட்ட 8ம் வார்டு 2ம் தெருவில் கடந்த 2008ல் குடிநீர் தொட்டி பம்பிங் அறை கட்டப்பட்டது. உரிய பராமரிப்பில்லாததால் இந்த அறை சேதமடைந்து இடியும் நிலையில் உள்ளது. இதனால் அப்பகுதிமக்கள் விபத்தில் சிக்கும் அபாயம் உள்ளது.