பெரம்பூர்: செயின் பறித்து பைக்கில் தப்பிய திருடனை மொபட்டில் விரட்டிச்சென்று சுற்றிவளைத்து பிடித்த இளம்பெண்ணுக்கு பொதுமக்கள் பாராட்டு தெரிவித்தனர். பெரம்பூர் மதுரை தெருவை சேர்ந்த தீபக் ராஜேஷ் மனைவி நந்தினி (32). இவர் நேற்று முன்தினம் மாலை அங்குள்ள பூங்காவுக்கு சென்றுவிட்டு மொபட்டில் வீட்டுக்கு புறப்பட்டார். வீட்டின் அருகே உள்ள பள்ளி தெருவில் சென்றபோது, பின்தொடர்ந்து பைக்கில் வந்த மர்ம ஆசாமி, திடீரென நந்தினி கழுத்தில் கிடந்த 2 சவரன் செயினை பறித்துக்கொண்டு தப்பினார்.உடனே நந்தினி தனது மொபட்டில் அந்த ஆசாமியை பின்தொடர்ந்து விரட்டி சென்றார். பெரம்பூர் பழனியாண்டவர் கோயில் தெருவில் அந்த ஆசாமியை சுற்றிவளைத்தார்.