சென்னை: தனியார் வேளாண் கல்லூரிகளின் கல்வி கட்டத்தை நிர்ணயம் செய்வதற்கான குழுவின் தலைவராக உயர் நீதிமன்ற ஓய்வு பெற்ற நீதிபதி கே.சந்துருவை தலைமை நீதிபதி ஏ.பி.சாஹி நியமித்துள்ளார். தனியார் தொழில்நுட்ப கல்லூரிகளின் கல்வி கட்டணத்தை நிர்ணயம் செய்வதற்கு உயர் நீதிமன்ற ஓய்வு பெற்ற நீதிபதிகள் தலைமையில் குழுவை அமைக்க வேண்டும் என்று கடந்த 2003ல் உச்ச நீதிமன்றம் உத்தரவிட்டது. அதன் அடிப்படையில் தனியார் சுயநிதி பொறியல் கல்லூரிகள், தனியார் பள்ளிகள் ஆகியவற்றுக்கு கல்வி கட்டணத்தை நிர்ணயம் செய்ய குழுக்களை அமைத்து தமிழக அரசு உத்தரவிட்டது. இந்த குழுக்கள் நிர்ணயம் செய்த கல்வி கட்டணம்தான் தற்போது சுயநிதி பொறியியல் கல்லூரிகளிலும், தனியார் சுயநிதி பள்ளிகளிலும் வசூலிக்கப்பட்டு வருகிறது.இந்நிலையில், அனைத்து வேளாண்மை படிப்புகளும், வேளாண்மை சார்ந்த படிப்புகளும் தொழில்நுட்ப படிப்புதான் என்று தமிழக அரசு கடந்த 2007 மே மாதம் அரசாணை பிறப்பித்தது.