லாகூர்: பாகிஸ்தானில் முன்னாள் அதிபர் பர்வேஷ் முஷாரப்புக்கு விதிக்கப்பட்ட தூக்கு தண்டனையை ரத்து செய்து லாகூர் உயர் நீதிமன்றம் உத்தரவிட்டுள்ளது. பாகிஸ்தானில் ராணுவ தளபதியாக இருந்த முஷாரப், கடந்த 2001ம் ஆண்டு ராணுவ புரட்சி மூலம் அப்போதைய பிரதமர் நவாஸ் ஷெரிப்பின் ஆட்சியை கவிழ்த்து, அதிபரானார். அப்போது உச்ச நீதிமன்ற நீதிபதிகளையும் அவர், சிறையில் அடைத்தார். மேலும், 2007ல் நாட்டில் நெருக்கடி நிலையை அறிவித்தார். இந்நிலையில், மீண்டும் தேர்தலில் வெற்றி பெற்று நவாஸ் ஷெரீப் பிரதமராக பதவி ஏற்றார். இதையடுத்து, தனது ஆட்சியை புரட்சி மூலம் கைப்பற்றியதற்காகவும், நெருக்கடி நிலையை கொண்டு வந்ததற்காகவும் முஷாரப் மீது தேச துரோக வழக்கு பதிவு செய்தார்.