வேலூர்: அடிப்படை அறிவியலை நன்கு புரிந்து வைத்துக் கொண்டு பயனுள்ளதாகவும், பயன்பாட்டுக்கும் அதனை பயன்படுத்த வேண்டும் என்று வேலூர் விஐடி பல்கலைக்கழகத்தில் நடந்த சர்வதேச கருத்தரங்கில் அமெரிக்க பேராசிரியர் ராபர்ட் எச்.கிரிப்ஸ் பேசினார்.வேலூர் விஐடி பல்கலைக்கழகத்தில் விஐடியின் முன்னேற்றப்பட்ட அறிவியல் பள்ளி மற்றும் இங்கிலாந்தின் ராயல் சொசைட்டி(வேதியியல்) இணைந்து நடத்தும் வினையூக்கிகளின் தற்கால வளர்ச்சிகள் குறித்த 3 நாள் சர்வதேச கருத்தரங்கம் நேற்று தொடங்கியது. கருத்தரங்க தொடக்க விழாவுக்கு வேந்தர் ஜி.விசுவநாதன் தலைமை தாங்கி பேசும்போது, ‘ஆராய்ச்சி மற்றும் கண்டுபிடிப்புகளுக்காக தனியார் பல்கலைக்கழகங்கள் அளவில் விஐடிக்கு முதலிடம் கிடைத்ததற்காக ஜனாதிபதி விருது வழங்கப்பட்டுள்ளது. எதிர்வரும் காலங்களிலும் இவற்றில் விஐடி தொடர்ந்து முதலிடம் பெறும் வகையில் ஆராய்ச்சி மற்றும் கண்டுபிடிப்புகளில் ஈடுபடும்.இந்தியாவில் உள்ள 993 பல்கலைக்கழகங்களில் ஸ்கோபஸ் இண்டக்ஸ் ஜேர்னல் (Scopus Indexed Journal) என்ற கட்டுரை மற்றும் ஆராய்ச்சி கட்டுரை வெளியிடும் இதழின் பட்டியலில் விஐடி முதலிடம் வகிக்கிறது. இது எதிர்காலத்திலும் தொடரும்’ கூறினார்.
வேலூர் விஐடியில் 3 நாள் சர்வதேச கருத்தரங்கம் அடிப்படை அறிவியலை நன்கு புரிந்து கொள்ள வேண்டும்: அமெரிக்க பேராசிரியர் ராபர்ட் எச்.கிரிப்ஸ் பேச்சு
- ராபர்ட் எச். கிரிப்ஸ்.
- ராபர்ட் எச். கிரிப்ஸ்
- வேலூர் வி.ஐ.டி.
- அடிப்படை அறிவியலைப் புரிந்து கொள்ளுங்கள்
- நாள் சர்வதேச சிம்போசியம்
- எங்களுக்கு
- வேலூர் விஐடி அடிப்படை அறிவியல் நன்றாக