திருப்பத்தூர்: திருப்பத்தூர் அருகே இரண்டு தலை 3 கண்களுடன் பிறந்த அதிசய கன்று குட்டியை ஏராளமான பொதுமக்கள் வந்து பார்த்து சென்றனர். திருப்பத்தூர் அடுத்த பசலிகுட்டை கிராமத்தை சேர்ந்தவர் கோபி(45). விவசாயி. இவர் விவசாயம் மற்றும் கால்நடை வளர்ப்பு தொழில் செய்து வருகிறார். இந்நிலையில் இவருக்கு சொந்தமான பசு ஒன்று நேற்று அதிகாலை ஆண் கன்று ஈன்றது. அதனை கோபி பார்த்தபோது அந்த கன்றுக்குட்டிக்கு இரண்டு தலை மற்றும் மூன்று கண்களும் இருந்ததை கண்டு அதிர்ச்சி அடைந்தார். இந்த தகவல் அப்பகுதி முழுவதும் பரவியது.