சென்னை : லைசென்ஸ் இல்லாத கடைகளை கண்டறிய ஜிஐஎஸ் வரைபடம் தயாரிக்க சென்னை மாநகராட்சி முடிவு செய்துள்ளது. சென்னை மாநகராட்சி பகுதிகளில் உள்ள சொத்துகள் டிரோன் மூலம் படம் எடுக்கப்பட்டன. இந்த பணி அக்டோபர் மாதத்துடன் 100 சதவீதம் முடிவடைந்தது. தற்போது அப்படங்களை வரைபடங்களாக மாற்றும் பணி நடைபெறுகிறது. இதனைத் தொடர்ந்து வீடு வீடாக சென்று ஆய்வு செய்யும் பணி நடைபெற்று வருகிறது. இது தொடர்பாக மாநகராட்சி அதிகாரிகள் கூறியதாவது :சென்னையில் உள்ள சொத்துகளையும் கண்டறியும் வகையில் டிரோன் முறையில் வரைபடம் தயாரிக்கும் பணி நடைபெற்றது. இந்தப் பணி முடிந்து வீடு வீடாக சென்று ஆய்வு நடத்தும் பணி நடைபெற்றுவருகிறது. களப்பணியாளர்கள் ஒவ்வொரு வீடு வீடாக சென்று அந்த சொத்தின் விவரம் உரிமையாளர் பெயர் உள்ளிட்ட பல்வேறு தகவல்களை சேகரித்து வருகின்றனர்.