திருமலை: திருமலை ஏழுமலையான் கோயில் வளாகத்தில் உள்ள பூந்தி தயாரிக்கும் மையத்தில் தீ விபத்தை தடுப்பது குறித்து ஊழியர்களுக்கு விழிப்புணர்வு ஏற்படுத்தப்பட்டது. திருப்பதி ஏழுமலையான் கோயிலில் சுவாமி தரிசனம் செய்ய வரும் பக்தர்களுக்கு வழங்கப்படும் லட்டு பிரசாதம் உலக பிரசித்தி பெற்றதாகும். இந்த லட்டு பிரசாதம் பக்தர்களுக்கு தட்டுப்பாடின்றி கிடைக்க வேண்டும் என்பதற்காக தினந்தோறும் 24 மணி நேரமும் சுழற்சி முறையில் லட்டு தயார் செய்யும் பணியில் ஊழியர்கள் ஈடுபட்டு வருகின்றனர். இதற்காக கோயிலுக்கு வெளியே பூந்தி தயார் செய்யப்பட்டு கோயிலுக்குள் கொண்டு செல்லப்பட்டு லட்டு தயார் செய்யப்பட்டு வருகிறது.