சென்னை: தென்னிந்திய திரைப்பட தொழில்நுட்ப கலைஞர்கள் சங்க புது நிர்வாகிகள் நியமனத்துக்கு ஒப்புதல் வழங்க கோரிய வழக்கில் பதிவுத்துறை விளக்கமளிக்குமாறு சென்னை உயர் நீதிமன்றம் உத்தரவிட்டுள்ளது. தென்னிந்திய திரைப்பட தொழில்நுட்ப கலைஞர்கள் சங்கத்தின் ஆண்டு கூட்டம் 2017 ஏப்ரல் 9ம் தேதி நடந்தது. இதில் இயக்குனர் டி.பி.கஜேந்திரன் தலைவராக தேர்ந்தெடுக்கப்பட்டார். இதேபோல பிற நிர்வாகிகளும் தேர்வு செய்யப்பட்டனர்.இந்த புதிய நிர்வாகிகள் தேர்வுக்கு ஒப்புதல் வழங்க கோரி, மாவட்ட பதிவாளருக்கு, நிர்வாகிகள் பட்டியல் 2017 ஏப்ரல் 13ம் தேதி அனுப்பி வைக்கப்பட்டுள்ளது. இரண்டு ஆண்டுகள் கடந்தும், சங்க நிர்வாகிகள் தேர்வுக்கு பதிவுத்துறை ஒப்புதல் வழங்காமல் இருப்பதாக கூறி, சங்கத்தின் கவுரவ செயற்குழு உறுப்பினர் நாகலட்சுமி சென்னை உயர் நீதிமன்றத்தில் வழக்கு தொடர்ந்தார்.
தென்னிந்திய திரைப்பட தொழில்நுட்ப கலைஞர்கள் சங்க புதிய நிர்வாகிகள் நியமனத்திற்கு ஒப்புதல் கோரி வழக்கு * பதிவுத்துறை விளக்கமளிக்க உயர் நீதிமன்றம் உத்தரவு
- நிர்வாகிகள்
- தென்னிந்திய திரைப்பட தொழில்நுட்ப வல்லுநர்கள் சங்கம்
- தென்னிந்திய திரைப்பட தொழில்நுட்ப கலைஞர்கள் சங்கம் புதிய நிர்வாகிகளை நியமிக்க ஒப்புதல் அளிக்கிறது