சென்னை: சென்னையில் தொடர் குற்றங்களில் ஈடுபட்டு வந்த மயிலாப்பூர் ரவுடி சிவக்குமார் உள்ளிட்ட 4 பேரை போலீசார் குண்டர் சட்டத்தில் கைது செய்தனர். மயிலாப்பூர் சண்முகம் பிள்ளை தெருவை சேர்ந்தவர் சிவகுமார் (40). பிரபல ரவுடி. இவர் மற்றும் சென்னையில் 3 கொலை மற்றும் 15 கொலை முயற்சி, வழிப்பறி உள்பட 30க்கும் மேற்பட்ட வழக்குகளில் தொடர்புடைய செங்குன்றம் பெருமாள் கோயில் தெருவை சேர்ந்த கவுதம்சூர்யா (24), அண்ணாநகர் மேற்கு விரிவாக்கம் பாடி புதுநகரை சேர்ந்த மோகன் (25), பாடிக்குப்பம் ரோடு பெரியார் நகரை சேர்ந்த டேனியல் (23) ஆகிய 4 பேரை கமிஷனர் ஏ.கே.விஸ்வநாதன் உத்தரவுப்படி குண்டர் சட்டத்தின் கீழ் போலீசார் கைது செய்தனர்.