சாயல்குடி: தேவர் குருபூஜை விழாவுக்கு அரசு விடுமுறை அளிக்க வேண்டும் என்று கருணாஸ் எம்எல்ஏ அரசுக்கு கோரிக்கை விடுத்துள்ளார். ராமநாதபுரம் மாவட்டம், கமுதி அருகே பசும்பொன்னில் தேவர் குருபூஜை விழா மற்றும் ஜெயந்தி விழா அக்.28,29 மற்றும் 30ம் தேதிகளில் நடக்க உள்ளது. நேற்று பசும்பொன் தேவர் நினைவிடத்திற்கு வந்த திருவாடானை எம்எல்ஏ கருணாஸ் மரியாதை செலுத்தி விட்டு, மாலை அணிந்து விரதத்தை துவக்கினார். பின்னர் அவர் கூறுகையில், ‘‘பசும்பொன் முத்துராமலிங்கத்தேவர் நாட்டின் விடுதலைக்காக பல்வேறு போராட்டங்களை நடத்தி பலமுறை சிறை சென்றவர். இவரது ஜெயந்தி நாளை தமிழக அரசு ஆண்டுதோறும் அரசு விழாவாக கொண்டாடி வருகிறது. பல லட்சங்கள் செலவழித்து பொதுமக்களுக்கு பல்வேறு நலத்திட்ட உதவிகளையும் வழங்கி வருகிறது.