சேலம் : பெண்ணை மிரட்டி பலாத்காரம் செய்ததாக கைதான ஆட்டோ டிரைவர், மேலும் 10க்கும் மேற்பட்ட பெண்களை மிரட்டி உல்லாசமாக இருந்தது போலீஸ் விசாரணையில் தெரியவந்துள்ளது. சேலம் அருகே வேம்படிதாளம் பகுதியை சேர்ந்த ஆட்டோ டிரைவர் ேமாகன்ராஜ், பெண் ஒருவரை மிரட்டி பலாத்காரம் செய்த வீடியோ பெரும் அதிர்ச்சியை ஏற்படுத்தியது. இதில் பாதிக்கப்பட்ட பெண் கொடுத்த புகாரின் பேரில், மோகன்ராஜ் கைது செய்யப்பட்டார். இவரை 7 நாட்கள் காவலில் எடுத்து போலீசார் விசாரணை நடத்தி வருகின்றனர். இதில் மோகன்ராஜும், அவரது நண்பர் மணிகண்டனும் சேர்ந்து இதுபோன்ற ஏழை பெண்களை மிரட்டி காமவேட்டையாடியுள்ளது தெரியவந்துள்ளது. இதையடுத்து மணிகண்டனையும் போலீசார் கைது செய்தனர். இதுகுறித்து போலீசார் கூறியதாவது: ஆட்டோ டிரைவர் மோகன்ராஜ், ஏழை பெண்கள், கணவனால் கைவிடப்பட்ட பெண்கள், வேலைக்கு செல்லும் பெண்களை மிரட்டி பலாத்காரம் செய்துள்ளது தெரியவந்துள்ளது. அவரது செல்போனை ஆய்வு செய்ததில், இன்னொரு பெண்ணை மிரட்டி, பலாத்காரம் செய்து அதையும் வீடியோவாக பதிவு செய்துள்ளது கண்டுபிடிக்கப்பட்டது.